ހުޅުމާލޭ 2 ވަނަ ފިޔަވަހީގައި ފިއުލް ޝެޑް އަޅާނެ ބަޔަކު ހޯދަނީ

ހުޅުމާލެ ދެވަނަ ފިޔަވަހީގައި ފިއުލް ޝެޑަކާއި، “އޮޓޮމެޓިކް ކާ ވޮޝް” ނުވަތަ އަމިއްލައަށް ކާރު ދޮވެވޭގޮތަށް ހުންނަ ތަނެއް ތަރައްޤީކޮށް ހިންގާނެ ފަރާތެއް ހޯދުމަށް އެޗްޑިސީން އިޢުލާންކޮށްފިއެވެ.
ޒަމާނީ ޚިދުމަތްތަކާއެކު ތަރައްޤީކުރުމަށް ދޫކުރާ ފިއުލް ޝެޑުތައް ތަރައްޤީ ކުރުމަށް ދެ ބިމެއް ވަނީ ހަމަޖައްސާފައެވެ. މިކަމަށް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމުގެ ފުރުސަތު އެޗްޑީސީން މިހާރުވަނީ ހުޅުވާލާފައެވެ.
އެގޮތުން ފިއުލް ޝެޑު އަދި އޮޓޮމެޓިކް ކާ ވޮޝް ފެސިލިޓިލީ ނުވަތަ ކާރު ދޮވެދޭ ފެސިލިޓީ ތަރައްޤީކުރުމަށް 7386.47 އަކަފޫޓުގެ ބިމެއް ދިނުމަށްވަނީ ހަމަޖެހިފައެވެ. އަދި ފިއުލް ޝެޑަކާއެކު ވެހިކަލްތަކުގެ ކުދިކުދި މަރާމާތުތައްކޮށްލެވޭ ގަރާޖެއް ތަރައްޤީކުރުމަށް 10179.31 އަކަފޫޓުގެ ބިމެއް ދިނުމަށް އެޗްޑީސީންވަނީ ނިންމާފައެވެ.

މިކަމަށް ޝައުގުވެރިވާ ފަރާތްތަކަށް މިމަހުގެ 18ވަނަ ދުވަހު ޕްރީ ޕްރޮޕޯސަލް މީޓިންގެއް ބޭއްވުމަށް ވަނީ ހަމަޖެހިފައެވެ. އަދި މިމަހުގެ 24ގެ ކުރިން އީމެއިލް މެދުވެރިކޮށް މައުލޫމާތު އޮޅުން ފިލުވޭނެއެވެ.
މި ދެ ޕެޓްރޯލް ޝެޑުވެސް ތަރައްޤީކުރަން ޖެހެނީ ސެލްފް ސަރވިސްގެ ޙިދުމަތްވެސް ލިބޭ ގޮތަށް ކަމަށް އެޗްޑީސީން ވިދާޅުވެއެވެ.

advertisement