އަހަރުގެ ފުރަތަމަ 21 ދުވަހު ރާއްޖެއަށް 60000 އަށްވުރެ ގިނަ ފަތުރުވެރިން

މިއަހަރުގެ މިހާތަނަށް ރާއްޖެއަށް 60،000 ވުރެ ގިނަ ފަތުރުވެރިން އައިސްފައިވާކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފިއެވެ. ޓޫރިޒަމް މިނިސްޓްރީގެ ތަފާސް ހިސާބު ދައްކާގޮތުން ޖަނަވަރީ މަހުގެ 1 ވަނަ ދުވަހުން 21 ވަނަ ދުވަހުގެ ނިޔަލަށް ރާއްޖެ އައީ 60،581 ޓޫރިސްޓުންނެވެ.
މިނިސްޓްރީގެ ތަފާސްހިސާބުތައް ދައްކާގޮތުން މި މުއްދަތުގައި ރާއްޖެއަށް އެންމެ ގިނަ ފަތުރުވެރިން އައިސްފައިވަނީ ރަޝިޔާއިންނެވެ. ރަޝިއާއިން ޖުމްލަ 13،880 ފަތުރުވެރިން ވަނީ އައިސްފައެވެ. 2ވަނަ އަށް އެންމެ ގިނަ ފަތުރުވެރިން ރާއްޖެ އައީ އިންޑިއާއިންނެވެ. އިންޑިއާއިން 10،623 މީހުން އައިސްފައިވާއިރު ޔޫކްރޭނުން 5،020 މީހުން އަދި ކަޒަކިސްތާނުން 3،023 މީހުން އައިސްފައިވެއެވެ. ފްރާސްއިން 2،252 މީހުން، ރޫމޭނިއާއިން 2،242 މީހުން، އަދި ޖަރުމަނުން 1،365 މީހުން ރާއްޖެ އައިސްފައިވާކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައެވެ.
މިއަހަރުގެ މިހާތަނަށް ރާއްޖެއަށް އެންމެ ގިނަ ފަތުރުވެރިން އެއް ދުވަހެއްގައި އައިސްފައިވަނީ މިމަހުގެ 3 ވަނަ ދުވަހުއެވެ. އެދުވަހު ރާއްޖެއަށް 4195 ފަތުރުވެރިން އައިސްފައިވެއެވެ. އެންމެ މަދުން ފަތުރުވެރިން އައިސްފައިވަނީ މިމަހުގެ 20 ވަނަ ދުވަހުއެވެ. އެދުވަހު ރާއްޖެ އައީ 1872 ފަތުރުވެރިންކަމަށް ތަފާސްހިސާބުތަކުން ދައްކައެވެ.

advertisement