ޚަބަރު

އެއް ރިސޯޓުން އަނެއް ރިސޯޓަށްދާނަމަ 10 ދުވަހުގެ ކަރަންޓީނެއް މިހާރު ފުރިހަމަކުރަންޖެހޭނެ

24 ޖެނުއަރީ 2021 - 13:52

އެއް ރިސޯޓުން އަނެއް ރިސޯޓަށްދާ މުވައްޒަފުންވެސް 10 ދުވަހުގެ ކަރަންޓީނުގެ މުއްދަތު ހަމަކުރަންޖެހޭގޮތަށް ޓޫރިޒަމް މިނިސްޓްރީން ކަނޑައަޅައިފިއެވެ.
ޓޫރިޒަމް މިނިސްޓްރީން ކުރިން ކަނޑައަޅާފައިވާ ގޮތުން އެއް މެނޭޖްމަންޓެއްގެ ދަށުގައި ހިންގާ އެއް ރިސޯޓުން އަނެއް ރިސޯޓަށްދާނަމަ 10 ދުވަހުގެ ކަރަންޓީނުގެ މުއްދަތެއް ފުރިހަމަކުރާކަށް ނުޖެހެއެވެ. ނަމަވެސް މިމަހުގެ 19 ވަނަ ދުވަހު ޓޫރިޒަމް މިނިސްޓްރީން ވަނީ މި އުސޫލަށް ބަދަލުގެނެސްފައެވެ.

މި އުސޫލްގައި ބުނެފައިވަނީ އެއް މެނޭޖްމަންޓެއްގެ ދަށުން ހިންގާ ރިސޯޓްތަކާއި ތަފާތު މެނޭޖްމަންޓްތަކުގައި ހިންގާ ރިސޯޓްތަކުން ވިޔަސް، އެއް ރިސޯޓުން އަނެއް ރިސޯޓަށް މުވައްޒަފުންދާނަމަ 10 ދުވަހުގެ ކަރަންޓީނެއް ފުރިހަމަކުރަންޖެހޭނެކަމަށެވެ. އަދި މަސައްކަތަށް ނިކުމެވޭނީ 10 ދުވަހުގެ ކަރަންޓީނުގެ މުއްދަތު ފުރިހަމަކޮށް، ނެގެޓިވް ޕީސީއާރު ނަތީޖާއެއް ލިބުމުންކަމަށެވެ. ޓޫރިޒަމް މިނިސްޓްރީން މިގޮތަށް ހަމަޖެއްސީ ކޯވިޑް19ގެ ކޭސްތައް ރިސޯޓްތަކުގައި ފެންނަ މިންވަރު މިހާރަކަށް އައިސް އިތުރުވުމާއި ގުޅިގެން އެޅި ރައްކާތެރިކަމުގެ ފިޔަވަޅެއްގެ ގޮތުންނެވެ.

advertisement
ރިއެކްޝަންސް
0
0
0
0
0
0
0